Presentación
	Un poco d'hestoria
	Distribución de lletricidá
	Comercialización de lletricidá
	Producción de lletricidá

    Electra de Carbayín, S.A. ye una compañía dedicada a la distribución d’enerxía llétrica na zona central del Principáu d’Asturies (España).

    Electra de Carbayín tamién ye la cabezalera d’un grupu empresarial empobináu a la producción de lletricidá d’orixe renovable y a la comercialización.

    El grupu Electra de Carbayín participa activamente nes principales organizaciones representatives del sector:

	Ye miembru d’ASEME (Asociación de Empresas Eléctricas), entidá llantada en Barcelona qu’aconceya a distribuidores independientes d’enerxía llétrica d’España.
	Tamién ta adscrita a GEODE (Groupement Européen des Entreprises et Organismes de Distribution d’Energie), asociación con sede en Bruseles que representa ante la Xunión Europea los interes de les compañíes distribuidores d’enerxía y fomenta la cooperación sectorial.
	Dientro del ámbitu de la xeneración, pertenez a APPA (Asociación de Productores de Energías Renovables), la única organización española qu’integra a xeneradores de lletricidá minihidráulicos, eólicos y fotovoltaicos.

    En 1923, momentu del espollete de la industria minera nel aria central asturiana, l’empresariu Perfecto Díaz y Díaz fundó una suministradora d’enerxía llétrica. Lo qu’empecipió siendo una distribuidora pequeña que proporcionaba corriente malpenes a una centena de vecinos de los alredores de Carbayín Alto, tresformóse en poco más de diez años nuna empresa qu’abastecía a unes cincuenta poblaciones de los conceyos de Siero y Bimenes.

    Tres superar la difícil coyuntura de la posguerra, nos años sesenta yá se-yos punxo’l ramu a les grandes obres de lletrificación de la zona. D’entós p’acá, produzse un espardimientu fuerte del consumu y l’esfuerzu inversor céntrase en meyorar les conducciones llétriques. Asinamesmo, en 1965, la empresa adopta la denominación actual: Electra de Carbayín. Na década de los setenta, complétase’l zarre de tolos circuitos llétricos xenerales. Finalmente, nos dos postreros decenios del sieglu XX, executáronse numberoses obres conteníes nos Planes de Lletrificación Rural, lo que permitió renovar y meyorar les llinies de media y baxa tensión.

 Carbayín dende Cardaño 

 Melendreros dende la lladera de La Peña